今日文理書院包團..
到東涌炮台, 馬灣..
其實我唔太喜歡帶學校團
一來, 老師比較麻煩, 太有主見
二來, 學生比較煩, 寸既寸, 細既細.
不過, 今日帶得好開心
回程講致謝詞既時候, 真係回心微笑..
特別係老師既一句說話"我地下學期都會攪好多活動, 應該有機會再合作"
一句說話, 等同讚賞, 等同滿意我地既服務..
或者, 帶十個團, 先有一個係帶得咁開心..
但呢一個, 已經值得..

開心..
因為拍Jessie
因為司機好好咁車我番屋企門口..
年輕, 總係多人錫..

同Jessie 閒聊
講起大家都冇信教..
想起, 從前我覺得信教既好處係, 我可以喺教堂內行禮結婚
長大後, 慢慢已經忘記小時候所想所望
我, 總係矛盾..
既想享受單身既自由, 但, 寂寞時亦想有一知己陪伴..
好彩, 我係一個唔會後悔既人, 亦深明trade off 既道理
只覺得人生本身已經有好多既constraints..
好多好多既事已經唔係隨心所欲..
唔希望愛情亦受控予constraints
長大後希望既愛情, 係任性既, 好free 既, 隨心既
只可惜, 由細所領略到既係, 愛情唔係兩個人既事..
三姑六婆, 無關痛癢既人既"意見"..., 領教過..
一切一切現實既事, 只令我卻步
考慮過, 計過, 算過..
願意為佢放棄一切, 心理上可以過得自己既, 至今只有一人..
或者, 我應該猜想會唔會有下一個既出現..
水瓶座當遇上最愛既人, 的確會願意為佢放棄一切, 以佢為中心..
只不過, 有幾多個可以成為水瓶座既第一呢?

好喜歡Jessie
因為, 佢教識我好多野.
因為, 佢令我睇到佢既生活..
佢既分享, 再一次令我羨慕..

話咁快又到星期六
今個星期個schedule 好爆..
星期一至星期四到深圳出job
星期四晚趕番落香港上堂
星期五番工夜晚上qp
星期六出團, 到吉澳鴨洲荔枝窩..夜晚上qp
過埋听日既帶團..
又過完今個星期

好友之前一句"你發唔發覺你帶團比以前多左"
的確, 而家帶團, 數量係每月6-7個
相比從前每月2-3個, 的確多左..
每星期不停咁帶團...都冇咩察覺幾時開始有呢個轉變..
原來, 呢個轉變已經係上年暑假開始, 由我從瑞士番黎之後

每日都跟住schedule 生活
手機內既calendar 不段咁mark 住唔同既日子, 唔同既activities
忙忙碌碌咁生活, 都已經忘記左點解要咁勞碌..
今晚, 停一停, 諗一諗..
係勒, 我既目標-----要買樓..
深圳出job, 最享受其實係一個人一間酒店房
好喜歡放工後番到酒店房, 番到一個人既世界, 好好咁休息..
喜歡寧靜既環境, 喜歡一人獨佔雙人床

原來, 不經不覺間, 我已經放棄全職導遊呢個夢...
呢個夢, 已經消失..
接job慢慢變成一個慣例..
出團亦變成一個習慣, 一個routine..
感覺, 好似少左一份享受..
但原來, 停一停, 回想一下..
我仍然享受出團, 享受同客人傾計, 享受成班領隊嘿嘿哈哈既日子..
我仲享受出海吹水靜思既時間
今日, 有團友問我, 去左咁多次, 係咪覺得好悶..
原來, 我對離島仍然未覺得悶..
雖然, 每一次都係行同一段路..
但, 我仍然享受呢個環境..

忙碌過後..
只想講, 我仍然好享受我而家既生活模式